ماهـو بكفـو الوقـت حبـك يمحيّـه

ماهـو بكفـو الوقـت حبـك يمحيّـه
ياللي تخـاف صـروف الايـام تمحـاه
ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكـراه
حبك علـى رملـة خفوقـي مواطيـه
ورياح عذلني عنك مـا تمسـح خطـاه
واللي يعذل القلـب عـن درب غاليـه
الله بمـا يـبـلا الموالـيـف يـبـلاه
اخفيـه يابالفيـت والـحـال يبـديـه
ادنـاة واحـد ينظـر الحـال يـقـراه
مخفيه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه
قلب ٍ يحبـك والهـوى الـذرب ماليـه
كانـك مكذبنـي ؟؟ بعيـنـك تـحـلاه
شرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه
وبتشوف به تمثـال والوقـت هاريـه
وبتشـوف زرع ٍ ميـت وواقـفٍ مـاه
وبتشوف جرح ٍ فيـه سكيـن راعيـه
راح ونسى السكيـن والجـرح ينخـاه
وبتشوف حصن ٍ عج الاقـدار سافيـه
وبتشوف باقـي بيـت راعيـه خـلاه
لا تنزعـج هـذا خفـوقـي وباقـيـه
ولا تضايـق مـن تـصـدع زوايــاه
قـد زلزلـه فرقـا وهـزت عراويـه
والله ستـر والحـظ عانـه وعـافـاه
وكانه صلح لك واعجبك زيـد تبنيـه؟
ابـنـه وجـهـز للمقابـيـل مبـنـاه
ابغيـك بـس مـن المفـارق تداريـه
وازهل من يـداري شعـورك ويـدراه
وحلـل وحـرم فيـه يابـرك بلاويـه
وحلّه وراع رضاي ورضـاك ورضـاه
جعلك بعد بعض الوجيه ... امحق وجيه
نـاس ٍ مراتعهـا الرفـيـق بتقـفـاه
انواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه
تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه
ولا انت ردك كل مـا ادعيـك.. لبيـه
انشهـد ان منتـوا بفيعينـي اشـبـاه
منت بمع العالم ولا تقـول لـي.. ليـه
انت ادرى منـي وش جوابـي وفحـواه
كذيـه... ومـن الله يازيـن والـيـه
واغلا طـروش القلـب ودواه مـن داه
الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه
اعشق سميك فـي البزاريـن وادعيـه
واقبـل خطـاه الـى اخطـا واتلـقـاه
واسمك يروعنـي الـى مـر طاريـه
واحـب ملقـوف ٍ يسولـف وطــراه
وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه
حتى (توايـر) (موتـري) تلتفـت فيـه
تبغي تلـف ويستحـي العقـل والجـاه
وصلك يخيـط الصـدر والبعـد يفريـه
ويابـري حالـي كـان صديـت بريـاه
ويلي علـى ادري حبنـا ويـش تاليـه
وويلي على ادري وش ورى الغيب ويلاه
عشـان اشـوف اذا محبتـك ..ترفيـه
والله لا اقفي عنـك....... استغفـر الله

يسلموووو عــذب الصفــات عـ الطــرح الممــيز ..

اشكرك من صميم القلب

للمرور الجميل

لا حرمت هذا التواجد الجميل

تحياتي لك

الجود شيخ تملكه عدة اطراف
بس المراجل حالفه انك ولده
عريب جد وحاوين كل الاعراف
دنياك جنة بس فعلك رغدها

يسلموااااااا يالغلا ابيات رائعة

مرحبا والف مية مرحبا اويل حالي وربي ماهو بكفو الوقت حبك يمحيه والله حاولت امحي هال الحب مع هال الوقت بس ماني قادر عذب وش اسوي ضحك

فديتك عذب يعطيك الف عافية تقبل تطلتي فراش

بشار

هذا من طيبك وذوقك الرااااقي

مشكور لاهنت .. أسعدني مرورك

,,,, تحيااااتي وتقديري

هاجس الذكرى

هلابك

اسعدني مرورك

لاعدمت تواجدك

لك خالص تقديري
ودمت بخير