قصيده في نصرة المصطفى صلى الله عليه وسلم

ياهجوسي بالشعر واسي القلب الجريح
وافزعي لي لين اوقف على رجلي سليم
نصرتاً للمصطفى من هل الهرج القبيح
كيدهم مدحور باذن الله الـرب العليـم
همتي لجل النبي تنتقي جـزل المديـح
تلهد كبود العدا فوقهـم مثـل الجحيـم
ياغزاة الشر ما عندكم شيئـاً صريـح
غيرتلقيق الكـلام المشـوّه والذميـم
في الصحف واعلامكم كل شيئاً مستبيح
تنشرون الكذب والزور شيئاً مستديـم
صفوة الآنام سطّر لنا نـوراً وضيـح
بيّن الحجة لنا نعطي الـدرب السليـم
والمعارك خاضها نصرة الدين السميح
حطّم رموز البدع والجهل عقبه عديـم
دمه الطاهر لجل ديننا ينضح نضيـح
غيرها كم شجتاً في جبينه لـه وسيـم
واجتهد في دعوتـه دائمـاً مايستريـح
وحّد الراية لنا تحـت قرآنـاً عظيـم
ودلنا للخير والديـن دائـم بالنصيـح
والهدى من ربنـا للسـراط المستقيـم
لو اسطّر من هنا لين تسكن كل ريـح
ماجزيته شـئ ممّـا أكنـه فالصميـم
وش جداكم ياضعوف العقول الأ المطيح
سنّة المبعـوث فينـا شذاهـا بالنسيـم
لو تبثون الفضاء كله جنـوداً تصيـح
ماتفرق جمعنا لو يثـور الهـا عسيـم
مايهـم القافلـه كثـر لجـات النبيـح
سايره في دربها مت بغيضك يا نديـم
يالله انك تحفظ الدين فالكـون الفسيـح
والأمن يارب ضافـي علينـا مستديـم
من شرور الخلق يالله اتكافينا البجيـح
تحمي الأسلام من كل ذي فعـلاً ذميـم
وختمها صلو على سيّد الخلـق الفليـح
عد ما حجو لمكـه ومـرو بالحطيـم