السلام عليكم ياحلووين
كيفكم ان شاء الله طيبين الحقيقه يااحلووين
وبها المنااسبه كتب قصيده بمحبووبتي اللي عذبتني
اتركم مع القصيده
قالت هواوي قلـــت مانــي هــواوي
قالت هواوي مالك اليـوم محبوب
في كــل يــوم لك طــبيــب مــداوي
وانت تظن القلب با الحب مغصوب
قلت العفو طبعك على الشــك ناوي
تحسب جميع الناس مثلك ولاا توب
انا احب الزين اللي طـــيبه حــاوي
لو كان في زينه منــاقيد وعيـــــوب
ماكنت اظن الحــب يجـلب البلاوي
إلا بعد ماصرتي بكتابي مكـــــتوب
خلاص صار البعد عندي متساوي
مادام هذي نيـتك تخـلف قلــــــوب
قالــت حــرام القــلب ماعاد ياوي
لوغيرتي ماصغتها اليوم بسلــوب
اللي بقلـــبي مكثــرات الشكــاوي
حاولت اخفـيها ولكني مغـــــلوب
والغيره اللي صرت فيها متشاوي
هي سبت شمـوس تدنت للغـروب
صفحة غلاء اصبحت بيديك طاوي
من بعد حب صار للعـشاق ادروب
هذي النهــايه جعــل دربك مكاوي
وجعلك تذوق المر من دون محسوب
راحت وهي تبكي ولانــي بقـاوي
اشوف دمعته تبلل له الثــــــــوب
وقفـت اناظــرها بحــزن وشقاوي
وصوت اناديها ولاجاني منــدوب
مضت ثلات ايام وجتنــي حكاوي
من واحد هرجه على الدوم مكذوب
يقول بيــتن بأخر الحـي ضــاوي
واضنه فيـهم واحد اليوم مخطوب
وعرسه بعد يومين ماهي حراوي
الشك دخلنـي وحسيت بذنــــــوب
رحـت اتأكد من كــلام الغــواوي
حتى وصلت البيت والقلب مقضوب
ولقيـت كل النــاس للبيــت تـاوي
واسمع زغاريد الفرح حيل مجلوب
سألت من هــو له وقـيل لمضاوي
جاه النصيب اللي بها الكون مطلوب
من دون مشعر قمت اقول الغناوي
اللي بوقت الفرح ماهيب مطــروب
ابـي اذكـرها سنــيـن خــــــــلاوي
فيه قضينا بين متعب ومتـــــعوب
طلت مـن الشــباك والكــل زاوي
يراقب الموقف وانا فيه مسلــوب
وامنت با اللي صار امرن سماوي
وطلعت من بيته إلي البيت مصيوب
من بعده قلبي من الحــب خاوي
والمر من بعده غداء الذ مشروب
ياالله ياللــي ماتخيــب الرجاوي
من جاك مجروح وفيه الف عذروب
ياعـالم بالحـال وانـت المـداوي
يا مرجعن يوسف إلى ابوه يعقوب
ترد محبــوب له القــلب هـاوي
وإلا تنسني غرامه على الـدوب
:shock:
الأحد يناير 24, 2016 2:46 pm من طرف يوسف يحي
